21年後再帶團睇英聯盃爭霸

猪拉多纳

Peter記得1994年住喺美國加州嗰陣，曾經舉辦過首次香港人去外地睇波嘅睇波旅行團，當時成員包括明星足球隊、南華會元老同香港球迷等，仲去到洛杉磯睇住巴西喺世界盃決賽擊敗意大利捧盃添！由於唔係太鍾意坐長途機，Peter相隔21年都冇跟團或者帶團去旅遊睇波。不過由於下星期戲碼實在太好，熱刺對車路士喺溫布萊爭英聯盃冠軍，而且我喺96年去嘅仲係舊溫布萊，依家已經係重建後新嘅溫布萊囉！

呢個戲碼咁正，加上呢團會史無前例咁用「自由行」模式，即係由團友選擇睇利物浦、曼聯、阿仙奴或者車路士嘅賽事，可以話係任君選擇。因此團友一到咗倫敦就可以分道揚鑣去睇波，仲可以加插埋喺當地玩足球比賽，同埋見一啲評述員名宿，好似殿堂級嘅馬田泰拿等。多得有Whatsapp呢樣咁方便嘅通訊工具，所以Peter到時就算去到英倫，都會喺周中同周末繼續畀料大家，當然仲會影啲溫布萊嘅靚相返嚟畀《東方波經》嘅讀者欣賞啦！
和波3串4發新年財

至於今晚3場英超，Peter決定細細地整番條3串4全和波過關，只要其中兩場打和就可以發吓新年財。最後祝大家波運亨通，好波常有得睇！當然好波更加係不妨一睇再睇啦！
金句：相隔多過兩個十年，睇波旅遊再坐一會