馬體會反客為主

猪拉多纳

利華古遜歇冬後失魂！

德甲球隊利華古遜今晚於歐聯十六強首回合賽事，主場迎戰西甲前列球隊馬德里體育會。利華古遜近期聯賽表現平平，而且失波唔少，反映防線存在唔少問題。作客嘅馬體會仍保持高水準演出，佢哋嘅緊迫踢法相信會令利華古遜疲於奔命，度士睇好馬體會今仗有力反客為主，平手盤必捧客軍。

（有線62及202台周四凌晨3時45分直播）

利華古遜自歇冬後表現有下滑迹象，近五場聯賽只得一勝兩和兩負，近三場更狂失九球，反映呢班波防線似乎出現咗問題。利華古遜今仗仲有後衞奧馬托柏克停賽唔踢得，另一後衞謝華積、中場拿斯賓達同羅比古斯都有傷上陣成疑，球隊陣容非常不整下就算今仗有主場之利，度士都覺得佢哋未必頂得住馬體會嘅攻擊。
緊迫踢法恰對手穿窿防線

馬體會近期喺聯賽表現唔錯，雖然曾經作客輸過畀切爾達，但大勝榜首皇家馬德里一役，表現就令人嘆為觀止。馬體會一向擅長以緊迫踢法殺對手一個措手不及，今仗作客面對行軍速度較慢嘅利華古遜，隨時可以令後者自亂陣腳；加上馬體會今仗只有中場佐治高基因傷缺陣，球隊人手仍非常充裕，度士睇好馬體會今仗作客有力贏埋，平手盤一定捧客軍。