印度光輝枕戈待發

不死鸟

周四沙田上演國慶日10場草地日馬賽事，蔡約翰馬房雖然經過5個回合賽事後仍未開齋，但旗下部份馬匹經過熱身後已有進展，今次日馬賽事蔡?有多匹實力馬列陣，而個人較看好「印度光輝」（右圖）與「賞蝦王」兩匹質新份子，可望為倉主打破悶局開齋贏馬。
「印度光輝」剛戰季內初出角逐田草1600米落敗而回，出閘順利，沿途守好位，入直路展開衝刺時，因受阻大力勒避，輸意外落敗難作準，與馬匹本身實力無關；拚後立即復課備戰，近日快試上力有勁，狀態明顯勝前，熱身開氣後更好跑，易配勞愛德執韁鬥志鮮明，質佳有進步，現居3班負輕磅優勢明顯，操足試準，應到贏馬交代時候。
而另一匹蔡?質新馬「賞蝦王」極有可能配合馬房攻勢出擊，此駒上仗出戰田草1400米，由於季內首戰狀態未足，故陣上演出平平，復課後加強操練，埋門連課快試均有不俗走勢，火氣冒升，成熟進度理想，4歲馬仍有進步空間，由柏寶壓陣人強馬勇，強手已去，可望收復前失打開勝利之門。