本地薑暫領風騷

不死鸟

今季新到南非騎師卓利，可謂先聲奪人，開鑼日即贏「酒勝」開齋之外，及後兩匹頭馬「高智慧」及「大唐勇將」均見臨場狂落飛得手，看來獲得不少支持及捧場，相對來說，較諸另一位上季尾已提早來港熟習環境的澳洲騎師柏威廉，後者成績仍差強人意，在競爭激烈的香港馬圈，座騎較少必有其背後原因。
而一眾有磅減的本地新紮師兄，備受不少練者起用提供座騎，成績突出有目共睹，互惠互利之下，更多實力馬到手，成為一股新勢力，成為馬迷追捧對象更頻有驚喜，而季初五次賽事中竟然全由本地薑壟斷「騎師王」，蔡明紹及梁家俊各贏兩次，黎海榮一次始料不及。
講到呢兩位新紮師兄，陣上拚搏精神鬥志無限，給馬迷的印象正面，故此有不少馬迷甚至專買他們同場鴛鴦Q，且時有斬獲。但樹大招風亦未必是好事，遇上一些被熱捧馬匹，太過刻意聽從策騎指示唔識執生，又或成為被狙擊對象，扶手棍隨時變��命藤。有時人在江湖，身不由己，騎師本身好大程度係練者調兵遣將的棋子，知所進退才較襟玩。