豪門乜盃都搶!

猪拉多纳

擸咗先好過渣都冇

今時今日各地聯賽競爭激烈，又要兼顧埋歐聯，就算係球星如雲嘅豪門球隊，一個唔小心隨時兩頭唔到岸，因此有個國內盃仔「袋住先」安心好多，日前車仔勇奪聯賽盃有辦你睇。今晚拜仁於德國盃十六強主場迎戰乙組仔布倫瑞克，「地上最強」巴塞喺西班牙盃四強次回合火併維拉利爾，巴黎聖日耳門在法足盃八強硬撼死敵摩納哥，為咗有盃落袋必定搏甩髀，真係好睇過戲。