拉素無力讓波捧番拿玻里

猪拉多纳

剛過去嘅周日連場好波，唔單止有聯賽盃決賽車仔對熱刺，仲有利物浦火併曼城、荷甲榜首戰燕豪芬對阿積士、西甲馬體會硬撼西維爾及皇馬迎戰維拉利爾，由周日晚睇到周一凌晨，球迷就梗係睇到笑呵呵，同時亦帶動起投X氣氛。不過大戶卻睇唔上眼，偏偏睇中英超阿仙奴主場對愛華頓，眼見兵工廠領先一粒嗰陣有啲hea，愛華頓又谷極唔起，佢哋喺臨場中位數變咗球半嘅時候買入球細，諗住印印腳等收錢，點知後備入替嘅路斯基末段遠射省中對方球員彈入，摧毀「拖肥」扳平希望之餘，亦篤爆埋大戶們嘅細盤，認真慘情。

雖然今晚續開快車，但肥叔最有心水係意大利盃四強首回合賽事，由拉素主場迎戰拿玻里，前者三連勝因對手弱不足為據，拿玻里乃上屆盟主，主帥賓尼迪斯亦係出晒名嘅盃賽專家，初盤拉素要讓波但超高水，部分行家開平手盤，證明都唔太睇好拉素。況且拉素近六次對拿玻里未贏過，仲輸咗五鑊，勁有格食格味道，呢個下盤非常值博。

（now 633周四凌晨3時45分直播）
曼城搵「狐狸」出氣

至於曼城啱啱輸兩球世界波畀利物浦堅唔抵，今晚返主場對包尾大幡李斯特城（now 623周四凌晨3時45分直播），勢必搵呢隻「狐狸」出氣，但要讓球半/兩球太辣，肥叔建議玩大盤。
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！