陸軍主力他投存暗湧

猪拉多纳

歇冬後首周打頭陣出擊嘅衞冕球隊莫斯科中央陸軍，早前將首席射手杜姆比亞賣咗去羅馬，霎時間冇咗位「士哥拿」，造訪今季主場10戰只係失過4球嘅泰歷克唔易踢，主W有分頭博得過，再跟實足智彩提供嘅IPA即場分析，玩「即場投X」就更得心應手啦！

（now670台周六晚9:00直播）
獲判12碼開大比率高

中央陸軍今季作客5次落後，有4場最尾都係失分，證明呢班波韌力麻麻，萬一今場又係失波先，「即場投X」補多注泰歷克最划算。之但係中央陸軍今季有6場俄超獲判12碼，當中有5場開大，想發掘更多投X寶藏？梗係要參考IPA即場分析啦！
IPA即場分析 俄超都有份

有樣嘢提提大家，除咗歐聯同歐洲幾大主流聯賽之外，足智彩都有為俄超提供IPA即場分析，系統會隨住比數同形勢變化，提供即場數據分析，玩走地必睇。

同晚出場嘅辛尼特有候克、韋素等猛將壓陣，歇冬期間拉大隊去西班牙集訓之餘，仲睇過拜仁練波取經，備戰工夫咁認真，爭取重奪失落兩季嘅聯賽錦標戰意唔成疑問，今鋪對住作客贏得兩場、排俄超尾4嘅烏拉爾仲唔係大炒格？