金獅駿將磨利交代

不死鸟

香港木球會團體一向是十分支持霍利時，但他們名下的兩匹馬「金獅駿將」及「金獅猛將」，前駒在07至08年度馬季，當時評80分，在三班?至133磅角逐快活谷A欄1200米，配韋達排4檔，起步一早霸住內欄第二位，直路趕過「長勝福將」掄元後，升上二班再未能贏馬，上季更8戰僅得一次亞軍，今季9月16日一反馬房慢熱作風，立即報爭三班1200米強項，可惜又在臨門一步敗給「期望」。
至於質新僅4歲的「金獅猛將」，上季評80分在三班出戰，跑了4仗全部名落孫山，今季初出爭田草1200米依然大敗而回，換言之，這對會所馬經已有一季馬主未拉過頭馬，霍利時今次再派出「金獅駿將」上陣，看來必圖贏番場頭馬，?一?此團體馬主開心。
「金獅駿將」有一個特點，是好開繼續好，前季初出跑入三甲，再出立即補中，上次跑第二加了2分，亦不過是74分，比贏馬時80分還低6分，練馬師自然心中有數，所以復課後未有放鬆手腳，冠軍騎師韋達分別在9月30日及10月2日（星期五）趕來連跳兩課，尤其是上周五排位日子，韋達肯5時20分趕來操馬便知絕不簡單，馬兒狀態明顯勇過上次，於谷草1200米，12檔死位亦跑入亞軍，窄場性能特佳，今次再戰可順利補中了。

威士紀誓收前失

告東尼馬房的「威士紀」，千祈唔好以為上次初升上四班，出爭谷草1200米不敵「鋼意」便技止於此！因為幕後睇得此匹4歲馬相當高，認為升到三班亦可贏馬，而一匹從未在窄場有賽績支持的稚嫩份子，臨場捧到5倍，足見信心有幾大，遇到伏兵依然沒有影響戰意，今小休三周再上征途，出王牌上陣，反映輸得不服氣，蔡明紹近期一手摸住，只要檔位配合，話明可收復前失。