美意雙星勁多倫多有料到

猪拉多纳

今季美職開鑼後，好多球迷將目光集中喺奧蘭多城嘅卡卡及紐約城嘅韋拿身上，但阿King睇好FC多倫多，呢支加拿大球隊今季搵咗意大利國腳基奧雲高及新特蘭前鋒艾迪杜里，後者上仗梅開二度助球隊旗開得勝，狀態勇猛。 FC多倫多今輪作客哥倫布機員仲有得受讓，讓球客勝穩陣，屬過關佳選。

（周日早上7時30分開賽）
艾迪杜里餓波搏命

FC多倫多雖然放走迪科爾畀新特蘭，但亦簽下對方嘅美國前鋒艾迪杜里，除笨有精，畢竟艾迪杜里後生啲仲有進步空間。呢位「大隻佬」上仗入兩球證明身價，事實上以佢嘅級數，應付美職仍然綽綽有餘，加上佢喺新特蘭餓波已久，更加會搏命，中場方面有祖雲達斯來投嘅基奧雲高指揮大局，兩位新兵發力，機員好難招架得住。

另外西雅圖海灣者丹普西上仗亦梅開二度，寶刀未老，相信主場可輕取魚腩聖荷西地震。至於皇家鹽湖城一向靠高原主場搵食，今仗主場鬥費城聯贏面相當大。