紐卡素乘虛而入嗒「糖」

猪拉多纳

英超 0:00 （日）34 愛華頓 Vs 紐卡素

今晚喺主場迎戰紐卡素嘅愛華頓，早幾日先搏完歐霸盃16強首回合，跟手今個禮拜又要長途跋涉飛過烏克蘭踢埋次回合，賽程頻密班球員未必頂得順。而且「拖肥糖」喺英超表現持續低迷，近5戰主場不勝，當中輸畀實力分子史篤城之餘，最近嗰場就連榜尾嘅李斯特城都贏唔到，今輪佢哋仲有中場猛將巴利停賽，試問憑乜讓波？紐卡素受讓半一玩1.77倍下盤！

（now622周一凌晨0:00直播）

或者唔少球迷都會擔心，「喜鵲」近6場聯賽作客都得1勝1和4負，不過要留意佢哋嗰幾場敗仗嘅對手係車路士、曼城、阿仙奴同曼聯，相反「喜鵲」對住同愛華頓排名差唔多嘅水晶宮同侯城，兩場都有分落袋演出對辦。
愛華頓賽程密搏殘

就算「喜鵲」首席射手柏比斯施斯因為鬥曼聯「放飛劍」被重罰停賽7場，鋒力大打折扣，今場造訪近況轉差同時又要兼顧歐霸盃嘅「殘兵」愛華頓，受讓半一嘅下盤依然值博。