米赫洛域落Order 森多利亞o趙低羅馬

猪拉多纳

「要造低羅馬嘅話，今仗係時候啦！」曾經効力「雌狼」嘅奧卡卡卓卡，今晚會為森多利亞倒戈上陣，呢位仁兄一直想向母會證明佢哋走寶，主帥米赫洛域亦希望靠今季戰績搞靚份「見工履歷」入豪門，造訪低迷嘅羅馬有力搶分，受讓半一捧下盤。

（TVB301周二凌晨4:00直播）

奧卡卡卓卡之所以認為家陣係砌低羅馬嘅靚Timing，皆因板櫈深度麻麻嘅「雌狼」愈打愈殘，呢支首都球隊踏入2015年之後踢咗10場意甲都未輸過，但當中只係贏過兩場咁大把，明顯比起季初跌Watt。「羅馬王子」托迪因傷上陣成疑，另一靈魂人物迪羅斯亦喺上周中歐霸盃扭傷足踝肯定缺陣，怪唔之得奧卡卡卓卡咁大口氣啦！
米赫洛域要執靚份CV

力爭來屆歐洲賽入場券嘅森多利亞，經歷連續6場聯賽失分之後，最近連贏阿特蘭大同卡利亞里重上正軌。據意媒爆料，會方已經鎖定薩斯索羅教頭迪法蘭斯高，或者巴勒莫主帥伊亞基尼為來季教頭，點解？皆因米赫洛域今季帶到森多利亞有聲有色，呢位昔日「罰球專家」決定唔續約等「嫁入」豪門，今晚當然想做單大嘢證明領軍能力，對住殘陣羅馬受讓半一咁多，梗係捧得過。