拉科搶分護級搏畀你睇

猪拉多纳

好多球迷買波都係寧買當頭起，但上周焦點英超曼聯主場對熱刺，正正係最佳嘅反面教材。論狀態，熱刺比當時啱啱喺足總盃出局嘅曼聯贏成條街；論往績，熱刺之前五次對賽未嘗一敗，當中兩場作客贏晒添，而且超新星哈利卡尼士哥停不了，紅魔就算有地利頂盡都係讓平半，不過大部分莊家開出曼聯讓半球，足智彩初盤更要讓半一咁辣，實在唔多合理。有見及此，肥叔「逆思考」推介番曼聯上盤，最終紅魔清風送爽大勝三粒，贏波贏盤，都係嗰句，睇盤做人永遠冇衰。
愛斯賓奴踢緊風流波

講番是日重心推介，就係西甲早場尾四嘅拉科魯尼亞主場對排第九嘅愛斯賓奴，雙方排名差天共地，而且拉科近況亦欠佳，照計愛奴可小讓平半，但偏偏多數莊家都開出平手盤；季尾波不嬲戰意行先，拉科仍為護級作最後掙扎，相反愛奴有啲風流波味道，已經連續三場冇波入，肥叔寧撐拉科坐和望贏。

（周日晚7時開賽）

至於意甲帕爾馬主場對拖連奴，前者日前已宣布破產，下季甚至有機會淪為業餘球隊，依家士無鬥志等收咧，絕對係季尾長反佳品。拖連奴剛於歐霸力戰出局，表現唔失禮，初盤讓半球亦算正路，上盤有買趁早。

（周一凌晨3時45分開賽）
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！