狂牛兵「讓主」誓破「烏」合之眾

猪拉多纳

歐國盃外圍賽又返嚟喇！今晚焦點落喺C組，勢估唔到依家呢組嘅榜首竟然係斯洛伐克，西班牙同烏克蘭就同得9分排喺第2、3位，所以今晚「西烏戰」賽果對出線資格影響極大。西班牙雖然有前鋒迪亞高哥斯達受傷退隊，幸好「狂牛兵團」家陣唔再係單靠某一、兩個球員食胡，可以預計有份入選嘅都會把握「餐士」爭取表現，今戰主場計鬥心計實力都有力大破烏克蘭，捧1.72倍「讓主」！

（有線64、203及中央5台周六凌晨3:45直播）
睇勻烏克蘭班霸 迪帥作針對性部署

西班牙告別咗費托、沙維嘅年代之後，雖然都係粒粒皆星，不過就冇特別話邊個係核心，呢種架構對上年世盃畀人睇通晒條路嘅「狂牛兵」嚟講未必係壞事。好似今戰「迪哥」因傷退隊，近期喺祖雲達斯踢到曉飛嘅艾華路莫拉達就有望擔正。法比加斯狀態沉咩？又有辛迪卡索拉、艾斯高同馬里奧蘇亞雷斯幾件中場孭飛。睇番西班牙3場勝仗都贏對手3球或以上，對住一般二線兵依然係超班！

客軍烏克蘭幾乎由迪尼普、薩克達同基輔人腳組成，據講西班牙教頭迪保斯基近期睇勻呢幾隊波喺歐洲賽嘅表現作出針對性部署！不過數到烏克蘭最大名氣嘅已經係35歲老將泰摩斯卓克，相信迪帥都唔會放佢在眼內，螳臂擋車梗係捧西班牙啦！
頂占筍盤

西班牙（讓球主勝）