墨爾本城如臨大敵

猪拉多纳

獅吼爭玩季後賽場場砌

今個禮拜雖然係國際賽周，但唔少國家都有聯賽上演，好似澳職今日都會如常舉行，排第六嘅墨爾本城將喺主場鬥排第七嘅布里斯班獅吼。獅吼正為爭逐季後賽資格而努力，球隊近期踢法大開大合，今仗遇上入球能力同樣唔錯嘅墨爾本城，阿King相信呢場波隨時上演入球騷，捧大盤。

（有線64及203台周六下午4時30分直播）

澳職常規賽依家已經去到直路階段，由於頭六位可進身季後賽，所以排第六同第七嘅球隊如果想坐上季後賽尾班車，嚟緊嘅賽事都非常重要。墨爾本城現時排積分榜第六，以五分領先第七位嘅獅吼但多踢一場，球隊近期表現其實唔差，近五仗取得三勝兩負嘅成續，兩場輸波都係作客賽事，今仗回師主場相信會有唔同演出。墨爾本城今仗雖有阿倫穆爾及巴哈魯丁要踢國際賽缺陣，後衞干洛卓文停賽，維拿特及杜夫續因傷避戰，但仍有高倫及約舒亞堅尼地在陣，有望喺獅吼身上取得入球。
獅吼近4仗3場「5+」

獅吼近期嘅表現認真嚇人，球隊連續四仗贏唔到之餘，仲場場都有失波，呢四場波更係半場已經開出大盤，更有三場嘅總入球達到五球或以上，可見呢班波為求搶分趕上季後賽尾班車，踢法已經變到有前冇後，相信佢哋今場都會沿用呢種打法。獅吼今場有後衞哥利布朗、占士當拿治、迪維利同中場麥特麥基要踢國際賽缺陣，防線更加脆弱下，相信好易畀墨爾本城攞到入球，阿King睇好今仗入波唔會少，大盤有1.7倍值得支持。