華盛頓主W有着洛

猪拉多纳

銀河讓齊車馬炮

大部分聯賽都會因國際賽而讓路，唯獨美職同澳職一於好少理，所以陣中多國腳嘅球隊真係好蝕章，好似洛杉磯銀河明早缺少三大猛將，包括一對射手主將羅比堅尼、薩迪斯，等同讓齊「車馬炮」，樂比誠意推介華盛頓聯隊。

（開賽時間：周日早上7:00）

樂比曾經拜訪過華盛頓聯隊同洛杉磯銀河兩間球會，佢哋亦同樣係美職奪冠次數最多嘅球隊，而且論規模同名氣都係美職數一數二，當然銀河近年行明星政策，令成班波嘅人氣同戰績急升，不過華盛頓聯隊經過數年沉淪後，上季痛定思痛成為東岸常規賽冠軍，戰鬥力絕對同銀河有得揮。
華盛頓聯隊主場硬淨

事實上，華盛頓聯隊主場一向硬淨，上季全季主場只係輸過2場，正式賽事主場更加係跨季12場不敗，況且季初要出戰中冠盃8強，球員狀態全面催谷後已入晒局，完全冇季初病，全取3分應該唔難咯。

反觀銀河自靈魂人物當路雲退役後，季初好似迷失咗方向，近2仗對住實力平平嘅侯斯頓戴拿模同波特蘭伐木者都係和波收場，最慘係因國際賽關係，一雙箭頭羅比堅尼、薩迪斯及門將彭尼度今仗都未能披甲，對銀河影響可謂非常大。
銀河羅比堅尼踢太公波

須知道銀河上屆能奪得總冠軍，全靠羅比堅尼同埋薩迪斯合共貢獻咗35個入球，依家銀河前線冇咗兩位重心人物，睇嚟同一支好普通嘅球隊無分別，何況銀河近年遠征華盛頓都係輸多贏少，今場作客睇怕都凶多吉少！

樂比推介：華盛頓聯隊（主勝）