電子精英懶性全消

不死鸟

文家良馬房的5歲馬「電子精英」，前季來港時脾氣相當大，經常在晨課中摔下鞍上人，練馬師了解此馬受硬不受軟，所以一直交手力夠的洋將杜利萊及柏寶上陣，原因是避免競賽過程生意外，而首次勝利是在四班贏谷草C欄1200米，當時配杜利萊，雖然初戴眼罩，仍然冷落至30倍，但在養和院彎發力即逢馬過馬，直路更力拒次熱門「更奇妙」首度奏捷，經已顯示出其窄場能力相當強。上季「電子精英」吸收了更多實戰經驗，在四班先後12戰，在2月18日出爭四班B欄1650米，由柏寶上陣排7檔，當時又改裝備，除眼罩改戴頭套，沿途貼欄守第五位，直路抄出外檔，即輕易彈甩同場大熱門「電訊高星」取得來港後第二場頭馬，亦證明柏寶騎來特別合發揮，但贏完馬後，再度報名上陣，竟兩次跑谷草1200及一次沙田1600米，馬房無意再贏升班的意向，可以講盲?都睇到。
自從踏入今季之後，「電子精英」明顯大勇大熟，上次（9月26日）初出跑田草1400米，路程不合，卻僅負四乘給頭馬「寶貝王子」，實在令幕後驚喜，而且馬房首次夠膽配華將黎海榮上陣，反映馬兒成熟十足，再不亂發脾氣，才敢作此安排，經過這一場熱身賽有好表現，文家良已經心中有數，上周二（10月6日）立即重召殺手柏寶操800米，全程搶韁奔馳，懶馬有此鏡頭，顯示狀態勇得交關，小休28天立即動用王牌，出戰上季勝出的Ｂ欄與路程，足見部署有晒計劃，今次再來肯定全力求勝，贏位兼投包保不失。
告東尼今季最喜歡贏盃賽，上周三又憑「暢蝦王」捧走鄉村俱樂部盃，今次報爭三班1800米的「皇馬」，明顯又想添食再捧高爾夫球會盃，看三周前贏來兵不血刃，上周四單跳渾身是勁，加5分出王牌戰意無疑問，一於捧多次。