流浪者Hea踢益墨城

猪拉多纳

無緣季後賽 留力打亞冠

今日澳職獨腳戲，西悉尼流浪者主場對墨爾本城，流浪者已經無緣季後賽，相信球隊會集中應付亞冠盃，尤其係下周中同FC首爾踢生死戰，好大機會「放棄」今場聯賽，畀主將留力踢亞冠。反觀墨爾本城取得3連勝走出低谷，客W值得再追。

（有線64及203台周五下午4時40分直播）

西悉尼流浪者過去兩季常規賽獲1冠1亞，但今季走晒樣，23場聯賽僅3勝5和15負，除咗因為中場球星小野伸二、阿倫穆爾等主力離隊之外，上季首席射手杜米祖歷表現低迷亦係致命傷，佢今季只有3球進帳，導致攻力大為削弱。由於流浪者已無法打入季後賽，加上澳職不設降班制度，因此餘下聯賽對流浪者而言，只屬例行公事，爭勝鬥心自然不足，分分鐘Hea踢了事。相反佢哋喺亞冠盃H組同次席FC首爾同分，雙方下周中對壘成爭出線關鍵之戰，不容有失。放棄無關痛癢嘅聯賽，全力備戰亞冠盃非常合理。
墨爾本城大直路搏殺

至於墨爾本城經過季初大換班，逐步磨合後已建立隊形，下半季全力衝刺，已殺上前6位，為保住季後賽席位，一定搏埋最後大直路。球隊連贏3場，包括擊敗前列強隊FC悉尼，今仗對手只係已放軟手腳嘅流浪者，勝算更加高。