雅雪檔利如虎添翼

不死鸟

第八場第3班1400米（草地）。「雅雪」上季同程曾與「締造美麗」串Q，現居3班只屬過客性質，快馬排埋1檔起步如虎添翼。「文武精英」跑3班同程表現穩定，上季第2次上陣贏馬，今季熱身後隨時到位。
第九場第3班1200米（草地）。「虎虎生輝」上季最佳新馬表現有目共睹，5度上陣非冠即位，上月中退出後復課再多一點時間準備，眼見狀態起得更好，看上季互有勝負的「金堡龍華」、「賞感」近期已先後贏馬，更覺此駒實力深不可測，今次出爭1200米欣逢錦標賽，大有機會捧盃而回。「高風格」今季走出健康陰霾，季內兩戰同程得冠亞各一，以上次贏馬姿態來看，今次初上3班負輕磅仍有可爭之道。
第十場第1班1400米（草地）。「締造美麗」在港3出3捷，剛戰贏馬水準甚高，再戰1班分區未見阻力，東?未來大賽棋子力足再贏。「非我莫屬」今季健康回穩，上次同程敗近走勢已見復甦，今次操好再來有權謀一席冷位。