西維爾巴塞夾計做「大」騷

猪拉多纳

西甲「一哥」巴塞今晚會造訪第5位嘅西維爾，西維爾主場一向威力強勁，加上近7戰全勝狀態極佳，今晚有力同巴塞抗衡。客軍「地上最強」近期同樣9連捷弗到爆，要保持榜首優勢今仗不容有失，兩支火力強大嘅球隊惡鬥，入球大細中位數開到3.5球都博佢開「大」騷啦！

（now632台周日凌晨2:00直播）
巴塞MSN火力勁

西維爾近7場攻入18球，首席射手卡路士巴卡同加美路腳風唔錯，上仗作客利雲特場波，連今季較少上陣嘅老將雷恩斯亦攻入今季首個入球。呢班波目前只落後第4位嘅華倫1分，想爭前4進軍來屆歐聯，今晚惡鬥巴塞相信會藉主場之利搶攻，戰意不成疑問。

巴塞首循環對西維爾，憑美斯大演帽子戲法大勝5:1，唔好忘記該仗蘇亞雷斯只係啱啱復出，同隊友嘅默契、狀態都未夠好。今時今日「哨牙蘇」狀態大勇，上仗對艾美利亞仲梅開二度。除咗「MSN」鋒力值得信賴之外，巴塞近期連後防都識入波，中堅馬菲奧、馬斯巴查近3仗合共攻入3球，「地上最強」得分點咁多，今晚造訪有前冇後嘅西維爾，中位數開到3.5球都照博「大」霧！