新特蘭護級必搶「宮」

猪拉多纳

上周多支英超榜尾球隊搶分成功，令護級形勢再起變化，餘下6至8周賽事，真係場場當決賽咁踢。「黑貓」早前搵咗名帥艾禾卡特執教後，上周東北打吡以1:0擊敗紐卡素，士氣返晒嚟，今晚主場迎戰上晒岸嘅水晶宮，平手盤撐新特蘭。

（now624台周六晚10:00直播）

其實早喺艾禾卡特領軍首仗，樂比已經推介咗新特蘭，可惜當時新特蘭尾臨香，最後幾分鐘失波輸半個盤，不過領軍第二仗返到主場，新特蘭有說服力地以1:0擊敗死敵紐卡素，而季中加盟嘅迪科爾亦取得士哥增強信心，今仗再喺主場出擊，相信可乘勝追擊。
改踢3前鋒加強火力

事實上，新特蘭自艾禾卡特接手後，踢法上有明顯變化，最顯著係球員表現得更加積極。以往新特蘭畀人感覺係進攻欠銳，不過艾禾卡特上任後火力明顯加強，同時起用域咸、迪科爾同埋史提芬費查3名攻擊球員上陣，可謂相當大膽，亦顯示出佢搶分嘅決心，防線更交出水準，係值得投信任一票。
水晶宮「上岸」易鬆懈

水晶宮由柏杜接手後，排名火速上升，上周更爆冷擊敗曼城取得3連勝，目前取得39分升上11位，睇番近幾季英超唔使40分都夠分護級，可見水晶宮已幾乎任務完成。呢類細球會每當護級情況紓緩就好容易鬆懈，今仗面對鬥志超強嘅新特蘭，實在冇把握亦冇必要全取3分。
樂比推介：新特蘭（平手）