奧特足球會大勝可期

猪拉多纳

挪超開咧戰擊敗衞冕冠軍莫迪嘅奧特足球會，今晚將回師主場迎戰史達比克。

（周一凌晨零時開賽）

奧特足球會上場面對上季挪超同挪威盃嘅「雙冠王」莫迪，雖然畀對手取得大部分控球權，但球隊防線表現非常穩健，加上年僅19歲嘅門將路斯巴治有力挽狂瀾嘅演出，最終以2比1擊敗實力強勁嘅莫迪旗開得勝。史達比克上仗以1比1打和侯格辛特，似乎未能重現去年季初展現嘅強勢，加上今仗有後衞奇治軒達臣同基利索夫因傷缺陣，面對喺自己地頭出戰特別醒神嘅奧特足球會，隨時被大炒，捧讓球主勝。