馬賽作客地獄球場冇運行

猪拉多纳

（日）60 波爾多 Vs 馬賽

隨住馬賽上場反勝為敗，輸畀巴黎聖日耳門（PSG）2:3後，馬賽喺今輪聯賽未開始前經已落後畀頭2位嘅PSG、里昂5分同4分，令球隊後上奪冠難度大增。今晚佢哋將會作客「凶地」波爾多，唔似咁易可以反底贏波，平手都係揀1.9倍嘅波爾多好過。

（TVB302台周一凌晨3:00直播）

馬賽呢排似乎爭標壓力大過頭，結果班波最近表現患得患失，近8仗只係贏得2場咁多，狀態麻麻。加上前鋒阿休今仗仲要坐波監，進一步影響球隊數胡本錢。何況波爾多個戴爾馬球場向來對馬賽「唔老利」，馬賽連續6次嚟呢度比賽都贏唔到，家陣隊波咁沉就更加惡唔出啦。相反對手波爾多近4仗贏3仗表現sharp醒，強如PSG嚟到都要放低3分，今次鬥馬賽仲唔坐和望贏？