祖記發火o趙摩納哥

猪拉多纳

喪師帕爾馬冇晒面

歐聯8強殺到埋身，意甲班霸祖雲達斯今晚將會喺主場迎戰法甲嘅摩納哥。「斑馬兵團」前鋒泰維斯踏入2015年着晒火，加埋球隊啱啱喺聯賽畀「意甲亞視」帕爾馬落面，今晚仲唔搵摩納哥祭旗等幾時？梗係捧2.3倍「讓球主勝」啦！

（有線62及202周三凌晨2:45直播）

祖雲達斯上一圈輕鬆淘汰多蒙特，晉級過程輕鬆，睇得出呢支傳統勁旅見慣大場面。冇錯，佢哋上周六係羞家，連帕爾馬都輸得，但咪忘記祖雲達斯喺意甲Lead住次席嘅拉素12分，一時鬆懈情有可原。最重要係祖記喺聯賽已經冇爭標對手，集中火力喺歐聯戰線當然可秤先。
泰維斯2015大爆發

查實今季「斑馬兵團」咁順，阿根廷前鋒泰維斯好大功勞，「野獸」踏入2015年已經有10球進帳，今屆歐聯亦累積咗6個「士哥」，旺成咁，睇怕摩納哥去到祖雲達斯地頭都幾大鑊！
摩納哥踢歐戰飄忽

摩納哥喺16強淘汰阿仙奴，睇落好似好叻，但首回合作客大勝3:1，次回合竟然可以輸番0:2，最後驚險靠作客入球晉級，表現咁唔穩定，對住大賽經驗豐富嘅「斑馬兵團」想偷雞？難啲喎，輸少球都偷笑啦！
盤路解碼：祖雲達斯今季主場半場從未落後，開14次「半主」及8次「半和」。