甜在心頭超晒班

不死鸟

第五班1650米（泥地），「甜在心頭」上季一直部署減分，去到季尾階段終於可以降至五班作賽，其實以此馬實力喺五班肯定超晒，看上季中於總場次331（下圖）角逐同程一役，輸畀泥地好手「愛心大使」跑第二，賽績相當硬凈，以該仗水準計，本身處四班分量亦足夠，更可況今回落到五班，形勢大利，今仗季內初出即揀強項泥地一哩上陣，贏面壓一。
第三班1650米（泥地），「神殿」季內上陣兩戰不勝有位，反映此匹九歲老馬正處於高峰作戰期，看上仗總場次41場能輕勝「果然勁」和「川河飛駒」，證明寶刀未老，雖然今勻調升三班分區作賽，但負磅大幅下調，形勢未失，今番繼續攻強項，有力連捷。