獅吼勝利對攻做「大」騷

猪拉多纳

澳職進入關鍵嘅最後兩輪比賽，今日有場對攻大戰，由布里斯班獅吼主場對墨爾本勝利。「一哥」勝利贏埋今場，就幾乎肯定成為常規賽冠軍，雖然呢班波有唔少傷兵，幸狀態同士氣都一流，今場對住仲未放棄爭入季後賽嘅獅吼，雙方都唔會放軟手腳，1.68倍入球大信得過！

（有線64、203周六下午5:30直播）
勝利射手貝利沙弗爆

今日係兩隊4日內第2次碰頭，勝利喺星期三作客情況之下以2:1擊敗獅吼，計埋呢場，佢哋已經喺近12場聯賽中、第10場攻入對手兩球或以上，可見火力相當強悍。雖巴西中場靈魂古希美掛免戰牌，好在老將射手貝利沙狀態十足，佢同艾奇湯臣近期輪流發威，唔憂冇波入喎，唯一憂慮係門將尼敦高爾傷勢嚴重，可能要提早收咧，甚少上陣嘅羅倫斯湯馬士取而代之隨時蝦碌，防守存在一定隱憂。
獅吼近3戰聯賽省10粒

另邊廂嘅布里斯班獅吼依家排第7位，要爭入前6名踢季後賽，目標只得1個，就係喺剩低嗰兩場，要追番同墨爾本城所相差嗰4分距離，所以今日再次主場出擊，已經冇得保留，一定要同勝利鬥攻死過！查實獅吼近期進攻表現對辦，近3場聯賽加埋入咗10球波咁多，今場又破釜沉舟，有力同勝利合演入球騷。
頂占筍盤：布里斯班獅吼（入球大）