CF格蘭納達主場受讓筍

猪拉多纳

尋日講過今輪聯賽夾喺歐洲賽兩回合中間，戰意未明下不宜捧場，不過今日西甲有場CF格蘭納達主場對西維爾，後者上周中於歐霸搏得好盡未回氣，仲要讓半一咁多，梗係捧CF格蘭納達下盤。

（now 632及TVB 13周日晚11時直播）

之前講過大戶踏入羊年未好過，上周中歐聯8強首回合聖日耳門主場對巴塞受讓半一咁筍，佢哋梗係唔執輸買下盤喇，就算PSG落後緊依然有得受讓，佢哋都未驚過，一「浸」又一「浸」咁入貨，眼見PSG中堅大衞雷斯係咁畀巴塞前鋒蘇亞雷斯通坑渠搞到輸1比3，加上同日法甲補賽里昂對巴斯蒂亞狂買下盤又失手，大戶真係欲哭無淚。
西維爾歐霸搏盡未回氣

言歸正傳，今晚重心推介場次，係西甲護級分子CF格蘭納達主場迎戰西維爾，後者為力爭衞冕歐霸，上周中喺8強次回合幾經辛苦先反勝辛尼特2比1，齋計角球西維爾就有22個，辛尼特只得可憐嘅4球，睇得出西維爾落後嗰陣嘅瘋狂反撲有幾盡，邊有咁快回得切氣呀？過幾日要去俄羅斯打次回合，只領先1粒兼失咗個作客入球，隨時有暗湧，今仗作客尾二嘅CF格蘭納達或有所保留，初盤要讓到半一咁辣，肥叔寧願撐下盤。至於較早時間開波嘅意甲安玻里主場對包尾大幡帕爾馬，後者再因財政問題被扣分，士氣受挫，安玻里近四主場未輸過之餘，仲贏咗三次，初盤讓一球值得捧場。

（周日晚9時開賽）
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！