山度士 聖保羅射手鬥入波

猪拉多纳

（日）67 山度士 Vs 聖保羅 巴省聯 05:30

周一朝巴省聯爆發兩場4強激戰，其中山度士喺主場火併聖保羅，兩軍箭頭奧利華拉同柏圖近期着晒火，入波入到唔識停，梗係捧2.1倍「大」等睇入球騷啦！

山度士前鋒奧利華拉狀態弗到漏，連續4場巴省聯有斬獲，今場仲有巴西國腳羅賓奴復出拍住佢數胡，火力唔嘢小。再講吖，日前喺巴西盃一箭定江山嘅艾蘭奴，揚言希望能夠同球會續約，直至踢到明年底喺山度士掛靴，今場點會唔搏盡搶張決賽入場券先?

聖保羅教練拉馬奴月初因病辭職，但球隊就大踢爭氣波，自從佢離隊後踢3場贏3場，「鴨子」柏圖場場有入波不特止，阿根廷外援阿祖安辛杜利安亦重拾射門鞋，喺上場自由盃打破多場入球荒，兩人今場聯袂攻堅，要撕破防線不整嘅山度士，真係話都冇咁易。