次回合見慣大駁火場面

猪拉多纳

歐聯來到次回合生死肉搏階段，尤其係落後一方，根本冇得揀，一定盡地一煲，力求挽回敗局。因此，今晚巴塞隆拿主場對巴黎聖日耳門（PSG），拜仁慕尼黑主場對波圖，細鬼兩場都會揀入球大。
拜仁PSG落後焗攻

無可否認，拜仁慕尼黑雙翼列貝利、洛賓養傷，削弱攻力，但嚟到呢個關鍵時刻，教練哥迪奧拿已經唔可以諗咁多，必須擺大個頭主攻，仲要盡快入波。否則一旦畀波圖企穩陣腳踢順咗，到時要入波就更加難。細鬼估計拜仁一開波就會大舉壓前，球隊仲有羅拔利雲度夫斯基、湯馬士梅拿同馬里奧葛斯等頂級進攻好手，睇好佢哋入到波。

不過，波圖中前場幾位球員好有質素，反擊極具威脅，拜仁壓得太前，隨時畀佢哋偷襲得手。總入球3粒或以上，相信好快可以達到。

至於「雙巴戰」大細中位數去到3.5球。事實上，巴塞同聖日耳門都係主攻型，今屆3次交鋒，每場總入球都達到4球或以上，更何況形勢上逼聖日耳門搶攻求反勝，到時防線空虛，巴塞「三叉戟」肯定有大把搵食機會。