交投暢旺歐聯大豐收

猪拉多纳

近期股市暢旺，球市亦不遑多讓，踏入季尾爭標大直路，無論莊家或大戶都要把握餘下時間贏多幾轉。歐聯賽事夠矚目同正氣，自然係出擊好時機，預料投X額有望創新高。今晚兩場8強大戰，巴黎聖日耳門、拜仁慕尼黑同樣係首回合輸1比3，來到次回合一定豁出去一博。強隊之間硬碰，臨場變數較多，勝負難料，最好揀入球大。

其實巴黎聖日耳門首回合有唔少攻勢，但埋門把握力較差，往往失諸交臂，好彩射手伊巴謙莫域今場可以復出，相信入球能力會有所改善。就算呢支法甲勁旅最終未能收復失地，但取得作客入球機會仍然相當高。

至於對手巴塞屬於主攻型球隊，唔識踢守勢波，即使領先兩粒，一樣會踢進攻足球。陣中3位前鋒美斯、蘇亞雷斯、尼馬狀態好弗，入波唔成問題。普遍莊家將入球大細中位數提升至3.5球，大盤仍然有唔少捧場客。
拜仁要追兩球焗砌

另一場拜仁慕尼黑主場出擊，更加要趁對手波圖未企穩陣腳，爭取盡快打開紀錄。以呢支13年冠軍嘅級數，其實要追番兩球，並非太難。不過拜仁防線始終畀唔到人信心，寧願揀入球大。
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！