馬賽爭玩歐聯主場贏特

猪拉多纳

今晚法甲獨腳戲由兩支近況同樣低沉嘅球隊馬賽、羅連安特交手，波童睇好實力較高兼要爭取歐聯入場券嘅馬賽可於主場反彈全取三分，推介2.12倍讓球主勝。

（TVB 302周六凌晨2時30分直播）

馬賽聯賽三連敗，不過當中兩場係作客，主場一役則以二比三僅負巴黎聖日耳門，某程度上情有可原。馬賽依家落後第三位嘅摩納哥兩分，要保持角逐來屆歐聯入場券希望，今仗喺主場出擊實在不容再失。球隊前線除有今季回勇嘅基格納之外，新進比利時國腳巴舒亞伊近期腳風亦好順，今場又係數胡時候。

現排尾三嘅羅連安特同樣要搶分護級，可惜佢哋近期對住圖盧茲、伊維恩、朗斯呢類同級隊伍唔單止未能贏波，而且一球都入唔到，今次作客要喺馬賽身上搶分唔容易，一於捧讓球主勝。