QPR豁出去 大起韋斯咸

猪拉多纳

之前提及若果聯賽啱啱夾喺兩場歐洲賽中間，非常考球隊主帥如何調動同決斷力，好似肥叔上輪西甲貼中CF格蘭納達咁，正正係睇中對手西維爾喺歐霸8強首回合搏得太盡，回唔切氣，而且次回合又迫在眉睫，主帥焗住大輪換導致失分，其他歐霸分子如費倫天拿、禾夫斯堡同辛尼特亦難逃厄運。不過一本通書唔可以睇到老，拜仁、巴塞、聖日耳門、皇馬、祖雲達斯等要出戰歐聯，均於上輪聯賽齊齊贏波，其中祖雲達斯對住連場報捷嘅拉素，竟要讓到半一咁多，邊有咁大隻蛤乸隨街跳呀，莊家擺明係引一眾下盤客落疊喇，最終祖記輕取兩粒贏波贏盤，再次證明操盤手開盤冇死錯人。
韋斯咸無欲無求

講番今日重心場次，係英超昆士柏流浪（QPR）主場對韋斯咸，尾二嘅QPR為護級冇得諗咁多，要豁出去進攻搶分，撞正無欲無求等收咧嘅韋斯咸，絕對係搶分良機，初盤QPR要讓平半尚算合理，不過佢哋主場錄得7連敗劣績，買盤有啲唔放心，既然QPR依家有前冇後、打死罷就，肥叔建議買入球大。

（now 623周六晚10時直播）