華倫地頭誓劏格蘭納達

猪拉多纳

今晚西甲有場獨腳戲上演，由華倫西亞主場對CF格蘭納達。「蝙蝠軍團」家陣仲要同西維爾爭奪下屆歐聯入場券，今晚既然有西甲作客蟲送上門，佢哋仲邊肯放過呢次開餐機會先？1.74倍「讓主」有買趁早啦！

（TVB13及now632台周二凌晨2:45直播）
格軍作客失波西甲最多

華倫依家為咗力保前4位置，真係撞到邊隊都唔會同佢客氣。佢哋最近除咗輸過畀巴塞，其餘10場比賽均保持不敗，對住拉科魯尼亞、利雲特、艾爾切等護級分子更加係冇留手，至少贏2粒先肯收韁，今次主場迎戰CF格蘭納達，又點會放軟手腳呀？

講到CF格蘭納達，佢哋堅係西甲出名嘅作客蟲，今季客場出戰只係贏得1鋪，所失嗰42球則「冠絕」西甲，夾埋拎咗嗰7分咁大把，叫人點捧得落手吖！就憑咁嘅表現想去米斯泰拿球場搶分？發夢都冇咁早啦！