利雲特戰意搭夠受讓抵捧

猪拉多纳

今日賽事場面熱鬧，阿King特別同大家講下一場西甲獨腳戲，由皇家蘇斯達主場對利雲特。聯賽剩番4場波，排喺12位嘅皇蘇一早上咗岸，而利雲特仍要為護級而努力，論戰意肯定高過主隊，讓球客勝有1.85倍值得捧場。（周六凌晨2時45分開賽）
皇蘇等放假唔阻頭阻勢

前曼聯主帥莫耶斯證明咗都係帶中型班嘅材料，舊年11月轉戰西甲成為皇蘇主帥後，成功幫球隊脫離降班漩渦，依家任務完成，無論佢定班球員都係「等放暑假」，亦無謂阻住地球轉喇！對手利雲特呢排狂發力，近3場錄得兩勝一和嘅佳績，成功升到15位，不過同第18位嘅拉科魯尼亞只有6分差距，真係「護級尚未成功，同志仍需努力」！利雲特對上四次作客皇蘇都唔使輸波，今場受讓捧得過！

同日仲有一場葡超獨腳戲，甘馬雷斯主場迎戰艾斯杜尼，甘馬雷斯近四次主場對住客軍全部開大，而且艾斯杜尼近期頻頻搶到分，愈踢愈好，今場一於再追大！最後講埋美職侯斯頓戴拿模主場對FC達拉斯一戰，呢場德州大戰，FC達拉斯往績佔優，近六對戰只係輸咗一場咁大把，今場受讓值捧。