ＭＳＮ入波破百 巴塞-2唔怕多

猪拉多纳

近期氣勢如虹嘅巴塞隆拿，今晚喺西甲作客榜尾科爾多瓦，相信又會成為美斯、蘇亞雷斯同尼馬呢個「ＭＳＮ」組合練靶嘅場地。巴塞現時於積分榜只有兩分優勢，今仗肯定會以「獅子撲兔」之勢狂轟對手，務求大勝一仗鞏固榜首位置，讓球主客和巴塞讓二球，阿謙都照捧1.63倍嘅讓球客勝。

（now 632周六晚10時直播）

巴塞自2月中喺西甲輸畀馬拉加後，已連續15場未輸過，當中更贏咗14場只係和過西維爾，可以話氣勢如虹。巴塞下周中雖要進行歐聯4強首回合，喺主場迎戰德甲班霸拜仁慕尼黑，但球隊今仗有左閘佐迪艾巴停賽期滿復出，加上「ＭＳＮ」攻擊組合自上仗攻入多球後，今季已合共轟入102球，而且陣中並冇任何傷兵，可以強陣出擊，就算真係派副選都足以炒起對手。
科爾多瓦近15場不勝排包尾

科爾多瓦喺周中聯賽作客0比1不敵利雲特後，近15場聯賽未嘗一勝，現時繼續排喺榜尾，降班危機日益嚴重。科爾多瓦今仗只有後衞保遜一位傷兵，但球隊實力始終同巴塞差一大截，與其硬碰而大敗，倒不如留力同同級球隊交鋒時再搏命。巴塞今仗要輕取科爾多瓦冇難度，讓球主客和讓二球，阿謙力撐讓球客勝。