超級打吡 秤先小保加

猪拉多纳

小保加同河床兩支阿根廷傳統勁旅現時同居積分榜首位，無巧不成話亦一同躋身南美自由盃16強階段，更會喺數天後狹路相逢。兩隊近年逐漸重拾班霸本色，所以呢場阿甲「超級打吡」既係兩支傳統班霸嘅對撼，同時亦係榜首大戰。兩隊喺聯賽同樣係7勝3和得24分，河床係阿甲攻力最強嘅球隊，而小保加就踢出最佳嘅防守，雙方嘅實力同差距其實好小。不過，兩隊都有兩回合嘅南美自由盃生死戰後顧，今場聯賽隨時有留力之嫌。

只係，河床早前竟喺阿根廷超級盃不敵今季表現麻麻嘅颶風隊，球隊後防亦間中出現甩漏嘅情況。而小保加今仗擁有主場之利，加上門將奧利安完成4場停賽令，可於今場大戰復出替球隊把關，加上主場戰績甚惡，所以有力喺「超級打吡三部曲」先拔頭籌，主隊小讓平半捧上盤。

（周一清晨5時15分開賽）