CF格蘭納達讓得辣玩大盤

猪拉多纳

周中歐聯4強首回合精彩到暈，祖記勇挫皇馬雖略有冷味，但初盤由受讓平半變為平手盤，仲不斷有飛落，開頭有十足跌到得番八水，果然飛到波到，另一場巴塞主場對拜仁，後者一直守得幾好，去到下半場中段更處於膠着，眼見「地上最強」老鼠拉龜冇碇埋手，當時還要讓半球，之前一直忍手嘅大戶決定出擊買下盤，點知買完冇耐，神一般嘅巴塞王牌美斯嘭嘭聲就省兩粒，大戶黑到咁都咪話唔邪呀。
維拉熱唔透 寧博韋斯咸

講番今晚重心推介場次，係西甲榜尾大戰CF格蘭納達主場對科爾多瓦，科爾多瓦上仗慘吞巴塞8隻光蛋，後防猶如豆腐渣一篤即散，況且佢哋已宣布降班，士氣跌到落谷底，相反CF格蘭納達護級未絕望，勢必趁機大打落水狗，不過今仗讓到一球球半咁辣，有啲唔穩陣，肥叔寧願撐大盤。（周六晚10時開賽）同時間進行嘅英超阿士東維拉主場對韋斯咸，雖然維拉仍要為護級搶分搏甩髀，讓波唔出奇，但初盤讓到半一咁多兼高水，睇嚟熱唔透，加上近五次交手僅一勝，轉玩下盤好過。

（now 624周六晚10時直播）
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！