唔落注純觀賞仲開心

猪拉多纳

今晚英超兩場賽事，均屬賠率乏味、欠缺明朗嘅押注方向。首先係早場曼城主場對昆士柏流浪，「藍月亮」雖衞冕聯賽失敗兼四大皆空，但始終都想壓過阿仙奴做「二哥」過終點，當係攞番個安慰獎，面對已瀕臨降班邊緣嘅昆士柏流浪，後者想今仗擸3分「吊鹽水」絕對係難過登天。不過，曼城贏波賠率實在太過乏味，都係睇波算數，因為唔係場場波都要菠菜嘛。
車仔心態估佢唔到

Peter一向「是其是，非其非」，尾場車路士主場對利物浦，正正係一場難以捉摸嘅賽事，車仔已於聯賽封王，賽果對佢哋嚟講並唔重要，紅軍雖有鬥志爭前4嘅歐聯入場券，但車仔有地利之助，如果要勉強落注的話，建議大家捧入球大。

不過，來到球季尾聲，既然車仔連冠軍都攞埋，搏咗成季倒不如早啲畀球員抖吓啦！主帥莫連奴都唔想眾將因無關痛癢嘅比賽導致受傷，特別係一啲手尾長嘅重創，甚至會影響到下季部署，Peter唔敢講車仔一定無心戀戰，但一定會有保留，呢場波，又係純觀賞算啦！
金句：贏輸和都得嘅賽事，睇波唔押注係上着