邦迪比達勝在硬淨

猪拉多纳

巴甲 22:00（日）37 甘美奧 Vs 邦迪比達

周日巴甲早場戲碼，甘美奧主場讓唔起邦迪比達，2.45倍「讓客」咪錯過。甘美奧日前輸畀宿敵國際體育會，失落南里奧格蘭德州聯賽錦標，左閘馬些路奧利華拉坦承陣中士氣低落。最弊係佢哋嘅頭號射手巴高斯同玻利維亞國腳馬些路摩連奴齊齊過檔中超搵食，新援拜安洛迪古斯表現又唔對辦，踢10場州聯賽僅得1球斬獲，今場點信得過？

邦迪比達今季重返巴甲後冇重大收購，到過南韓聯賽搵食嘅箭頭菲臘比艾斯華度，已經算係知名度最高嗰個。
甘美奧士氣低落

雖則人腳唔及甘美奧，但呢班波勝在夠整體，喺啱啱結束嘅聖保羅省聯賽，撇除佢哋因為篤定出線，喺最後1輪作客卡比華蘭奴留力下慘敗，其餘6場作客2勝3和1負勁硬淨，即使淘汰賽遇着勁旅哥連泰斯亦僅以1球見負，今場唔難頂住士氣低落兼鋒線唔掂嘅甘美奧啫。