撐皇馬連續兩屆入決賽！

猪拉多纳

今晚歐聯4強次回合皇家馬德里主場鬥祖雲達斯，上次首回合度士推介祖記受讓平半嘅下盤，一心諗住和波收半格，估唔到祖記竟然咁叻仔贏埋，可惜佢哋失咗一個作客入球，換句話講皇馬今晚只要贏1比0便可連續兩屆打入決賽，論個人質素及平均實力皇馬點都高啲，度士決定掉轉槍頭捧番皇馬。

皇馬上場聯賽失分，西甲冠軍基本上已拱手讓予巴塞，故此歐聯已經成為佢哋捧盃嘅最後希望，好消息係上場聯賽傷出嘅卻奧斯可以趕及上陣，養傷一排嘅賓施馬亦已復操，「5條A」有機會同場披甲，自然畀番唔少信心球迷。
祖記作客級數遜一籌

祖記對上兩圈次回合作客德甲多蒙特及法甲摩納哥都冇失波，不過講整體質素及今季狀態，以上呢隊和皇馬相比何止差一班，祖記今屆表現係唔錯，但始終未達皇馬、巴塞、拜仁嗰種級數，作客面對破釜沉舟嘅皇馬唔易應付。度士睇好皇馬可以反敗為勝進身決賽，最簡單捧1.57倍主W，上盤讓半一亦可一試。