上季丙組仔衝擊法甲GFCO 搶W創歷史

猪拉多纳

今晚以法乙作主打，阿King重心推介GFCO阿些斯奧主場對尼奧特，力撐主隊！GFCO只要贏波就可以升上法甲，球隊士氣高昂，對三分志在必得；反觀對手尼奧特踢風流波，相信唔會破壞主人家呢個開心派對，GFCO阿些斯奧1.53倍主W，屬過關最佳之選。

（周六凌晨2時30分開賽）

法乙只剩下兩輪聯賽，GFCO阿些斯奧領先第四位南錫及第五位迪安五分，換言之今場贏波，就肯定獲得升班資格。GFCO堪稱神奇球隊，事關佢哋今季先至由丙組升上法乙，依家好大機會殺上法甲，可望連續兩季踢到升班，當地球迷情緒當然非常高漲，等待愛隊創造歷史，GFCO冇理由令fans失望，以佢哋近六次主場四勝兩和走勢，今場應可贏波賀升班。
尼奧特風流波欠戰意

尼奧特位處中游，餘下賽事只屬例行公事，戰意肯定唔及對手；佢哋首循環主場對GFCO都僅逼和1比1，今次作客相信冇運行。另一場法乙南錫主場對昂熱係爭升班「六分波」，第三位昂熱領先對手三分，如果贏波，極大機會取得升班席位。南錫亦要盡地一煲以保升班希望，勢必豁出去求勝，捧大盤最好不過。另外， 迪安亦衝刺爭取打入前三位，作客杜亞斯開平手盤，捧迪安穩陣。