哥連博翻身戰意高

猪拉多纳

哥連泰斯聽朝喺主場對查比高恩斯，有機會威番鋪，事關巴甲開咧冇耐，呢班波已經喺自由盃16強出局，可放低包袱喺聯賽搏殺，加上佢哋近排戰績低沉，搞到被球迷喪插，射手荷西古里路話要盡力數胡打爭氣波，熱捧1.4倍主勝。
古里路盡力數胡

原本哥連泰斯喺自由盃對瓜蘭尼，球迷以為食硬對手，點知最後連輸兩回合出局，搞到粉絲喺網上喪鬧。只不過咁，其實哥連泰斯冇受傷兵問題困擾，今場夫添出擊，難怪射手荷西古里路好有信心咁話會打翻身戰，嗌球迷唔使擔心喎！