愛華頓有買趁早

猪拉多纳

冇火錘仔任人舞

季初曾風光一時嘅韋斯咸，踏入2015年僅贏過3場，對手仲要全部係護級隊，由於佢哋好大機會藉「公平競技排名」（Fair play standings）取得歐霸入場券，故近期表現可以話Hea到爆，而且有傳領隊艾拿戴斯季尾離隊，畀人感覺已係無心戀戰，今晚英超主場對愛華頓，平手盤捧客軍。

（now 625台周六晚10:00直播）
韋斯咸目標唔攞牌

韋斯咸季初排名一度升至第4位，不過接二連三出現負面消息，首先球員方面出現唔少傷兵，一度回勇嘅安祖卡路爾要長抖，戰術上冇咗一個重要攻擊點，但最大打擊都係領隊大Sam同董事局不和，遲遲未達成續約協議，臨近季尾傳言更係滿天飛，盛傳大Sam會响季尾走人，據悉比歷及莫耶斯都係熱門接任人選。

不過令到韋斯咸Hea踢最大誘因都係歐霸入場券已近在咫尺，只要利物浦於聯賽排第6或以上，另一張歐霸入場券就會落入韋斯咸手中，對韋斯咸來講餘下兩仗贏輸已唔太重要，最緊要反而係唔好犯咁多規拎咁多牌，講得衰啲真係畀你入波又有乜所謂！
拖肥爭前10同董事交代

另一邊廂，「拖肥糖」今季成績不及預期，主要原因是季初要兼顧歐霸，自球隊出局後，表現已有明顯改善，領隊馬天尼斯坦言，球隊目標是爭取前10名，好向董事局交代，由於目前愛華頓排11，僅落後第10的韋斯咸3分，今仗贏波正好可超越對手，戰意方面絕對勝過韋斯咸！
樂比推介：愛華頓（平手）