恩高斯達特 一戰創歷史

猪拉多纳

德乙踢到倒數第二輪，一哥恩高斯達特主場迎戰富豪球會RB萊比錫，恩高斯達特今季一鳴驚人，領放大半季，今晚最後主場出擊，贏波即可鎖定德乙冠軍，創造球會歷史，來屆首次升上德甲，喜遇上輪失去升班機會兼慘敗嘅萊比錫，有力大勝一仗，推介2.52倍讓球主勝。

（周日晚9時30分開賽）

恩高斯達特十一年前至正式成立，08年初次升上德乙，但經驗不足立刻降番班，之後重臨近幾季都處於中下游，今季乘一眾升班熱門冇貨交異軍突起，由第8輪開始一直帶頭到依家，雖然臨近升班近仗表現有所反覆，但主要原因係陣容不整，上場作客波琴領先下因為一個問題十二碼倒輸1比3，搞到要拖到嚟最後一場主場，不過今仗佢哋人腳已經復整番好多，喺主場球迷打氣下有力一戰創歷史。
RB萊比錫鬥志全失

RB萊比錫有大財團支持，球員總值亦係德乙最貴，可惜年輕球員太多，而且防務做得唔好，表現同成績無法同身價相符，上輪主場面對無欲無求嘅辛特候遜，必須贏波至可以保住升班一線生機，但結果竟然慘吞四蛋，全無鬥志踢到不設防，如今升班希望已幻滅，更加無心戀戰，作客聽做炮灰。