福喜輕磅可畏

不死鸟

「包裝大師」爆大冷捧走沙田錦標，有人話係贏在慢步速，有人則指此駒爆冷並非無跡可尋，不過姑勿論如何，至少再一次話你知，賽馬並非1+1=2，大熱唔等如擁有絕對的優勢，冷門並非機會就一定低?。
廢話帶過，今期移師谷草跑日馬，十場賽事採用全闊A欄，講到谷草，何良都算今季表表者，目前以5W排榜首，反映谷草才是何良的搵食地盤，今期「福喜」我也十分睇好。
「福喜」5歲馬至今僅一捷，目前評分看似吃緊，我倒不認為。上賽此駒作季內首戰跑同程，輸畀「創佳績」四又四分一馬位，末段塞了一塞，際遇其實不算太好，賽後又發現不良於行，落敗有藉口可原諒。
相隔一星期便重新復課，證明問題不大，這次換上蘇狄雄較上回一下子驟減15磅?到全場最輕磅，按上季在同程受讓3磅僅負於「好開心」短頭位，這次兩駒再碰頭，「好開心」縱然用蔡明紹也要讓「福喜」15磅有數得計，加上騎練近期手風之順，半冷諗得過。