簡帥要入波 恒大攻爆城南

猪拉多纳

和都冇問題？廣州恒大（足智彩譯FC廣州）主帥簡拿華路放言，今日响亞冠盃16強首回合作客FC城南，打和都絕對收貨，令人覺得恒大讓平半好唔穩陣，查實你聽晒佢全段說話，就知1.82倍客隊上盤係抵博嘅。

（now670台周三晚6:30直播）

簡帥其實係咁講嘅：「即使喺城南客場攞到1:1或者2:2平局，都係個唔錯嘅結果。」即係話恒大唔怕和波，至緊要係有作客入球，咁就證明佢哋一定會照攻，讓城南平半反而非常正路。
艾傑臣復操隨軍征韓

雖然恒大中堅金英權膝傷，可能要休養2、3個月，鄒正亦拉傷肌肉出唔到，但係前鋒艾傑臣已經復操隨軍征韓，何況仲有郜林、高拉特呢幾件攻擊猛將，對住公認今屆亞冠最弱嘅韓職球隊城南，根本坐和望贏，博下盤至多輸一半。