波圖拆「彭」-2照捧

猪拉多纳

演入球騷炒高球星身價

波圖今晚喺葡超主場對彭拿費爾，為咗炒起射手積臣馬天尼斯同中場赫達靴里拉嘅身價，讓到2球照捧1.57倍「讓球主勝」等睇入球騷。即使波圖爭標失敗，但高層已落柯打要高價出售陣中球星套現，搏殺格彭拿費爾點擋呀？

（有線155周六凌晨3:30直播）
彭拿費爾篤定降班冇運行

上星期波圖作客被比蘭倫斯逼和1:1，將聯賽冠軍拱手相讓畀賓菲加。不過咁，據講波圖已答應將積臣馬天尼斯賣畀熱刺，只不過轉會費要再商量。最近積臣馬天尼斯連續3場入波，明顯係為咗拎更高人工而搏命，波圖為咗賣到更高價錢，相信會搵人餵多啲波畀佢，成全佢入多幾球。

此外，波圖已經將赫達靴里拉嘅轉會價定為4,000萬歐元，假如想賣到呢個好價，收咧戰梗係要踢得好好睇睇啦，特別係波圖近5季收咧戰例牌贏波呀！雖然彭拿費爾上星期主場2:1砌低基維辛迪，結束連續10場不勝走勢，但佢哋已篤定降班，作客波圖邊似有運行！