歐聯席位決定戰 華倫搏盡保前4

猪拉多纳

西甲嘅首兩個歐聯席位已肯定由巴塞同皇馬攞到，餘下兩個歐聯參賽資格就會由馬德里體育會、華倫西亞同西維爾爭奪。馬體會目前以77分排第3，只要今仗有1分落袋就穩奪第3直入歐聯分組賽。不過馬體會近3仗未贏過，今仗作客面對志切搶分護級，聯賽已連贏3場嘅CF格蘭納達，要贏波並非易事，馬體會大有機會以保住1分為目標，捧CF格蘭納達讓球主勝。

而華倫西亞目前以74分排第4，僅領先第5位嘅西維爾1分，今仗作客仍要搶分護級嘅艾美利亞，一定要贏波先可保前4。由於西甲同分先計對賽，如果馬體會輸波而佢哋攞足3分，到時兩軍就會同分，華倫即可憑對賽1勝1和嘅成績，升上第3位取直接踢歐聯分組賽，所以華倫今仗一定唔會留手，全力搶攻爭取勝利。

（now 631及668周日凌晨零時30分直播）
西維爾留力歐霸仲實際

最後排第5嘅西維爾，除咗要自己贏波外，更要希望華倫失分才有望攞到前4，但由於今年嘅歐霸盃冠軍可直接取得歐聯入場券，已殺入決賽嘅西維爾今仗作客馬拉加或會留力，捧馬拉加讓球主勝為佳。