賓菲加Hea開就Hea吼細

猪拉多纳

葡超盟主賓菲加主場對馬里迪莫，由於兩隊將於本月30日凌晨喺葡聯盃決賽交鋒，今場難免留有一手，一來無謂浪費體力，二來要收埋「絕招」等決賽嚟料。因此雙方隨時鬥Hea示人以弱，大細中位數3.5球，揀細盤。

（now 676周日凌晨1時直播）

賓菲加上仗和波照捧葡超冠軍，令唔少捧場客損手，可見呢隊波非常「功利」，攞夠分就算唔會贏到盡。事實上嚟到季尾唔少球員會有疲態，想入多幾粒都有心無力，不如慳番啖氣等踢葡聯盃決賽。
馬里迪莫硬淨9場不敗

馬里迪莫已保持9場不敗，狀態相當不俗，有力同賓菲加抗衡。球隊難得打入葡聯盃決賽，當然要把握機會爭標。今場「決賽預演」，冇理由畀對手知道自己虛實，一於先「扮豬」等決賽食「老虎」。今場兩隊都唔想贏，仲唔吼細盤咩？