多蒙特搞大騷送別高普

猪拉多纳

德甲今晚煞科，焦點唔使講肯定係多蒙特對雲達不來梅。一來兩隊都要為來屆歐霸盃入場券努力，二來今戰係主帥高普同老將基爾嘅主場告別戰，兩軍肯定放開懷抱大踢進攻足球，況且佢哋近6次主場恭候不來梅都贏晒，梗係想以贏波留番個美好回憶，3.5球嘅1.77倍入球大值博！

（有線64及203周六晚9:30直播）
不來梅爭踢歐霸焗攻

另邊廂一樣有43分喺手嘅不來梅，想拎歐霸盃入場券唔單止非勝不可，仲要寄望多蒙特喺德盃決賽輸畀禾夫斯堡至掂，今仗作客惟有焗攻，入波唔慌少咯。