摩納哥客W羅歐聯席位

猪拉多纳

法甲煞科日爆發第3名爭奪戰，羅連安特今晚喺主場對摩納哥，唔似阻到對方開W，始終羅連安特護級成功，講戰意靠唔住，相反摩納哥贏波就肯定可以進軍下屆歐聯，況且老細識做落柯打同教練、主力續約，熱捧1.47倍客勝！

（now714台周日凌晨3:00直播）
羅連安特冇嘢好爭

摩納哥領前馬賽同聖伊天2分，今場贏波就肯定攞到歐聯入場券，何況教練查甸、後衞法賓奴泰華利斯同托尼近日完成續約，士氣大振相信唔會甩拖。另邊廂嘅羅連安特連續4場不敗，但佢哋唔憂降班，而且有射手班捷文真洛在內嘅大批傷兵，主場出戰都好牙煙！